日本東京之旅 (2009年5月28日至6月1日) Day 5

[ 第五日 ] 陰

今日係last day了...







女babe好叻咁好早起到身, 執齊野, 係阿輝屋企影左靚靚相...







總結下我買左咩先...

有袋, 恤衫, T-shirt同杯!! ^.^

執齊野去左阿輝公司擺低鎖匙, 講聲byebye就起行了!













去到上野, 係locker room擺低行李, 搵左間快餐店食拉麵~

(女babe好令女呀!~)









行左陣手信街, 買左好多食既野...

之後... 又係食囉~

食左我既最愛鰻魚飯~~~~ 好味!!!












食完又行商場... 睇下我拎到一袋二袋就知了!














搭左成個幾鐘JR去到成田...

唔捨得返香港~~

影低左女babe個唔捨得樣...

再見了... 東京~

The End...

日本東京之旅 (2009年5月28日至6月1日) Day 4

[ 第四日 ] 陰

一起身就去左7仔買野飲同零食, 向雷門出發!

女babe今日白雪雪又紮髻, 好令令~










好低能咁諗住係JR度自拍, 點知foucs左對面個阿伯...







雷門好多人, 影親相都係好多人做背景...
一入到去就買左熱辣辣既人形燒, 好好食!



迫下迫下, 又行下行下咁終於去到廟了~














求簽求簽求簽求簽求簽求簽求簽求簽求簽!!!














終於都求到吉簽了!

女babe求到小吉tim

之後就求神了!...


我都有求呀, 我當然係求同女babe開開心心啦! 唔知女babe求咩呢?!








求完神, 又係食囉~


搵到書介紹既六文錢鐵板料理, 已經跟足書入面咁寫黎整架了, 但係姐手姐腳咁staff睇唔過眼幫我地手... 味道一般啦, 勝左攪下整下咁過癮囉~










去完雷門, 路經秋葉原, 行左一陣, 女babe同左張靚靚poster影左張相... 之後...



又係食野... 今次係香港都有既, 又有雪糕又cream既pancake, 唔知叫咩名~ 有機會女babe解釋下啦下!











去到我最鍾意既台場...

日光日白同babe影張rainbow bridge先!!















係台場就梗係行商場啦, 去到商店街女babe好開心, 有好多得意既野

買左女babe好愛既星星糖~














去左影紙牌相, 又去到一度以小學班房為題材既food court, 影左張扮訓覺既相... 好傻婆~














行到夜晚了, 夜晚既rainbow bridge好似青馬大橋咁好多燈好靚, 襯晒女babe...

仲有自由女神造型tim












因為上次公幹見到公司附近有好多野食, 今次黎就去試下!


係日比谷站火車橋下兩邊有好多好有特色既食肆, 揀左間餃子店, 幾好味呀, 又有啤酒飲... 好嘆!










趁有時間, 去埋銀座, 因為女babe話有好靚既building...

同左Dior影相, 叫做到此一遊啦!













返到綾瀨, 食多個咖哩飯先~

日本東京之旅 (2009年5月28日至6月1日) Day 3

[ 第三日 ] 陰




今日可以訓晏少少, 但都係朝早9點幾出發! 皆因今日係血拼shopping日, 女Babe要爭取時間!


先去買張JR即日票, 向池袋出發!





到站見到間LV Underground舖頭, 但太肚餓關係影左張相就走lu~










一上到地面就即刻搵地方醫肚... 行左陣見到間入飛仔拉麵, 字都唔識睇就買左飛等食~

食左女Babe好鐘意既溫泉蛋, 又唔係貴, 抵!







食完就去左Sunshine City行TokyoHands, 一行行左成個鐘... 買左幾份手信~

行完又係左個旅遊書介紹的大粒丸, 好似特大版小丸子!

去到原宿...
先去竹下通!... 諗住大有斬獲, 點知剩係買左... ^.^

可能落雨關係, 人都唔係十分多!


行完裡外原宿, 就去左表參道朝聖!











成條街兩面都係名店, 心都寒埋!


去到號稱全世界最大既LV舖, 入去行左兩層, 見到個好大既figure... 叫做見識過啦! 係門口影左相到此一遊啦!


(有段少插曲, 懷疑一對同性男戀者, 跟住我地行街, 行到邊跟到邊... 莫過非我地好潮?!)


行到腳痛終於行完, 搭返JR趕去尾二站涉谷!


去到涉谷一定要同隻狗影相, 唔係好似無黎過一樣!


去左女Babe指定商場買左指定產品, Samantha Thavasa粉紅色手袋, 女Babe話出名喎... 不過我都未聽過, 但又真係幾靚既~


買完野又趕去尾站新宿!







經過想去既橫丁, 但無機會食... 女Babe同左日本好出名既朋友影相後就飛奔去同阿輝約好既六歌仙食期待既燒肉!




同行仲有我地WC既戰友!


食左好多唔知係咩肉同咩菜, 同埋見到好多唔食既菇... 好飽! 埋單... 成惠15,000 yen兩位! =.=!


完去左企鵝商場行街, 見到好多cosplay衫... 好可愛! 之後仲買左d識震既手信tim!





返到綾瀨, 見到有兩個燈籠一張椅, 即刻覺得有feel影左型仔相!... 不得了!


第三天完~

日本東京之旅 (2009年5月28日至6月1日) Day 2

[ 第二天 ] 雨

雖然男Babe已經黎左兩次 (公幹), 但都無試過一早去築地食壽司! 今次有女Babe陪住, 終於起到身試一次!



本來都係諗住去旅遊書所寫的店出發, 但實在太多人排隊兼男Babe最唔鍾意等... 就幫襯左位於兩大出名店中間的"壽司處"





叫左一個隻小船set, 新鮮!

之後向迪迪尼樂園出發...

今朝一早已經落雨, 去到迪迪尼鐵路站都仲落緊, 諗住落雨少d人... 點知都係人頭湧湧!





正當苦惱緊落雨點玩既時候... 發覺好多人都著雨褸, 仲要係Minnie pattern... shit! Babe二話不說衝左去攤檔問幾$... 嘩! 成2500 yen! 不過女Babe鍾意, 無計!

(我諗如果係公主pattern, 成萬yen佢都買!)



著住件雨褸, 成個細路咁... 傻下傻下~

要fast pass玩既印差唔多玩晒, 內容唔具體講, 睇相啦~

同卡通人物影左好多相, 又玩左好多遊戲, 有3D影院, 有過山車...

值得一提係玩巴斯光年射擊遊戲, 女Babe好奸成日轉方向攪到男Babe成日miss, 仲要中途有問題架車停左係度, 攪到可以係咁射, 成績我諗係有使以來最高的分數, 成5萬幾分...

註: 最終男Babe係女Babe既淫威下輸左!

是晚主要節目係煙花, 但因天雨關係都好擔心取消... 但好彩夜晚雨勢微弱, 煙花表現如常舉行!

Babe可以得嘗所願, 睇煙花了!

迪迪尼不可不提花車循遊, 分下午同夜晚兩轉~



我地都覺得夜晚啟較好, 可能係因為夜晚既花車都係由燈泡組成, 閃令令靚d掛~

因為睇埋煙花都成9點先走, 夜得滯我地就唔再去第二度, 返到綾瀨先食野...







食左咖哩飯, 同牛肉飯, 仲有麥當當~

好累呀~


第二日完

日本東京之旅 (2009年5月28日至6月1日) Day 1

我們的第一次旅行...

日本東京之旅 (2009年5月28日至6月1日)

[ 第一天 ] 雨

10:35am飛機, 7:30am出門, 係樓下茶記食個早餐, 步行去青衣城搭機鐵入機場...


<<< 機鐵中的招積B

去到機場9:00am, online check-in關係只要10分鐘便寄好倉

入閘行街了...

行左好多我識同唔識既舖頭, 研究左一輪香水就去閘口登機了









上機前先帶返個口罩, 要迪迪尼公主的

國泰的飛機餐都係不外如是...
不過可能肚餓關係, 我地兩個都食晒!















到步時間大約4:30pm, 過左關先買迪迪尼入場卷, 再黎兩張suica就開始鐵路旅程, 出發到輝家...















途仲係鐵路月台度見到間賣飛仔既拉麵檔






太肚餓關係, 一到左綾瀨就去車站隔離間Mister Donut買左野食, 之後先去到輝公司見兩位主人家, 兩位都仲埋頭苦幹中...












時間大約6:30pm, 返到輝家放低行李就出發去新宿
臨行前係樓下7仔買左"Peach Tea"

搭山手線出新宿, 大約45分鐘



去到新宿京王百貨食書中所講既"28重豬扒"

兩個人食一個set, 味道呢... 一般啦, 之但係件扒係幾鬆軟既!











食一個set唔係好夠, 一邊淋住雨一邊搵, 見到橋底有間車仔檔, 但水滴滴唔係好想食...



行多陣都搵唔到, 肚又餓... 唔理了, 車仔檔就車仔檔啦!



雖然無中文menu, 但檔主好好客, 盡量講下野希望我地明白, 最終都係最易叫最大路既"叉燒拉麵"

好好味呀~






返到去又係樓下買左Babe好想飲既"北海道牛奶"

第1日... 完~